„ქართუს“ დაფინანსებით, ახალციხეში ბიეთის ღვთისმშობლის სახელობის ეკლესიის რეაბილიტაციის პირველი ეტაპი დასრულდა

geoinformer

loading...

Loading...

საქართველოს კულტურული მემკვიდრეობის დაცვის ეროვნული სააგენტოს ორგანიზებითა და ფონდი „ქართუს“ დაფინანსებით, ახალციხის მუნიციპალიტეტის ბიეთის ღვთისმშობლის სახელობის ეკლესიის რეაბილიტაციის პირველი ეტაპი დასრულდა.

სააგენტოს ინფორმაციით, ეკლესია იყო უმძიმეს მდგომარეობაში დანგრეული იყო კამარა, კონქი, კედლების დიდი ნაწილი. შემოცლილი იყო კარნიზი, კედლები შიგნიდან და გარედან დაფარული იყო ნანგრევებით. სამუშაოები ჩატარდა არქეოლოგის ზედამხედველობის ქვეშ.

მათივე ინფორმაციით, პირველი ეტაპის სარესტავრაციო პროცესის ფარგლებში შესრულებული სამუშაოების შედეგად: ტაძრის ოთხივე ფასადებზე მოიხსნა მორყეული და კირდუღაბგამოცლილი ქვები, რის შემდეგაც გაიწმინდა და ხელახლა მოერგო, კირდუღაბზე ხსნარზე მოერგო მარკირებული თლილი ქვები, ასევე გაითალა ახალი ქვები და მოპირკეთდა ტაძრის ოთხივე ფასადი, მოეწყო ტაძრის სამხრეთი და დასავლეთი სარკმელი და კარნიზი, ტაძრის გუმბათქვეშა სამხრეთ-დასავლეთი ბურჯზე მოიხსნა მორყეული და კირდუღაბგამოცლილი ქვები, რის შემდეგაც გაიწმინდა და ხელახლა მოერგო, ახლიდან იქნა გადაყვანილი თაღები, ხოლო შემორჩენილ თაღებზე მოიხსნა მორყეული ქვები, გაიწმინდა და ხელახლა მოერგო, აღდგა გუმბათქვეშა სამხრეთ-დასავლეთი ბურჯის კაპიტელი, აღდგა სამხრეთი სარკმლის წირთხლები, ახალი ქვით კირდუღაბზე, მოეწყო სამხრეთი მკლავის ცენტრალური კამარა, ახალი ქვით კირდურაბზე, სადიაკვნეს თავზე აღდგა კედლის კამარა ქუსლამდე, ახალი ქვით კირდურაბზე, აღდგა გუმბათქვეშა საბჯენი ბურჯი.

ბიეთის ღვთისმშობლის სახელობის ეკლესიის სარეაბილიტაციო სამუშაოები „სამშენებლო კომპანიის“ მიერ ედიშერ ჯანჯულიას ხელმძღვანელობით განხორციელდა. სამუშაოების გაგრძელება 2020 წელსაც იგეგმება.

წყარო: marshalpress.ge

loading...
Next Post

ირანის სულიერი ლიდერის წარმომადგენელი: „სოლეიმანის მკვლელობისთვის შურისძიება არ დასრულებულა“

გაზიარება loading... Loading... გენერალ ყასემ […]