მენიუ დახურვა

2 მაისის ასტროლოგიური პროგნოზი

რას გვირჩევენ ვარსკვლავები 2 მაისისთვის ჯანმრთელობის, ბიზნესისა და სიყვარულის მიმართულებით?

ვერძი

არახელსაყრელი დღეა შეხვედრებისა და ახალი ნაცნობობისთვის. სწავლა და ახალი შემოსავლის წყაროების ძიება შემოქმედებით საქმიანობაში ხელს გიშლით. საღამოს მოსალოდნელია ახლო ნათესავთან ან ოჯახის წევრთან კამათი.

კურო

ამ დღეს ერიდეთ უფროსთან და კოლეგებთან ურთიერთობას. შესაძლოა, ახალი მოვალეობები დაგეკისროთ, რაც ბევრ დროსა და ფინანსურ დანახარჯს მოითხოვს. სასიყვარულო საქმეებში ერთგვარი პროგრესია, თუმცა, მოულოდნელი შეტყობინება ცოტა ხნით რომანტიკულ გატაცებებს დაგავიწყებთ. ეცადეთ, სიძუნწე და ანგარება არ გამოიჩინოთ.

ტყუპები

ხელსაყრელი დღეა შეფთან და კოლეგებთან ურთიერთობისთვის. მეგობრების რჩევა და გავლენიანი ადამიანების მფარველობა ძალიან დაგეხმარებათ. სასიყვარულო საქმეებში ერთგვარი პაუზა გაქვთ, თუმცა მოსალოდნელია ძველ სიმპათიასთან შეხვედრა. ნუ გამოიჩენთ სიძუნწეს, თორემ ორჯერ მეტს დაკარგავთ. კარგი დღეა მშენებლობის დასაწყებად.

კირჩხიბი

ერიდეთ დამატებითი ვალდებულებების აღებას. სახლში ყველაფერი შესანიშნავადაა, თუმცა მნიშვნელოვანი საქმეები რომანტიკული ურთიერთობისთვის დროს არ გიტოვებთ. ფინანსური შემოსავალი გელით. ხელიდან ნუ გაუშვებთ ხელსაყრელ გარიგებას, რომელიც თქვენს პოზიციებს განამტკიცებს.

ლომი

მძიმე დღეა. ეცადეთ, საკუთარ საქმიანობას უფრო კრიტიკულად შეხედოთ, კონტაქტები შეზღუდოთ და რეალობა ობიექტურად შეაფასოთ. არსებობს დაუგეგმავი ხარჯის ან ფინანსური დანაკარგის ალბათობა. შესაძლოა, თქვენგან დამოუკიდებელი მიზეზის გამო, ხელსაყრელი გარიგება დაკარგოთ. დღის მეორე ნახევარში მოსალოდნელია შეხვედრა ახლო ნათესავთან ან ოჯახის წევრთან.

ქალწული

ამ დღეს სურვილი გექნებათ, რომ საკუთარ თავთან და ფიქრებთან განმარტოვდეთ. გამოიყენეთ ხელსაყრელი მომენტი ძველი საქმეების დასასრულებლად. შეიძლება მოვალეობასა და სურვილებს შორის არჩევანის გაკეთება მოგიწიოთ. ხელოვან ადამიანებს შემოქმედებითი აღმაფრენა ეწვევათ.

სასწორი

მძიმე და პასიური დღეა, რომელიც სახელმწიფო დაწესებულებებთან, უფროსთან და კოლეგებთან ურთიერთობისთვის არახელსაყრელია. მეგობრების რჩევა და გავლენიანი ადამიანების დახმარება მცდარი იქნება. სასიყვარულო საქმეებში რეგრესი გელით, თუმცა მოსალოდნელია ძველ სიყვარულთან შეხვედრა.

მორიელი

იმედგაცრუების დღეა. შესაძლოა, სამუშაო კვირის შედეგებით უკმაყოფილო დარჩეთ. სავარაუდოდ, შვებულებასა და დასვენებასთან დაკავშირებულ გეგმებსა და იმედებს ახდენა არ უწერია. შესაძლოა, ახალი საქმე დაიწყოთ, რომელზეც არასოდეს გიფიქრიათ. გირჩევთ, ახლობელ ადამიანებთან მეტი გულახდილობა გამოიჩინოთ.

მშვილდოსანი

ამ დღეს ერიდეთ მგზავრობას და უცნობ ადამიანებთან ურთიერთობას. დაძაბული სამუშაო ან საკუთარი ჯანმრთელობის მიმართ უდიერი დამოკიდებულება შეიძლება ნერვული სტრესის ან დაავადების მიზეზი გახდეს. პროფესიულ საქმიანობაში მოსალოდნელია ფინანსური დანაკარგი. ძველ ნაცნობთან შეხვედრა ბედის უეცარ შემობრუნებას მოგიტანთ.

თხის რქა

ამ დღეს მუშაობა ან საქმიანი შეხვედრა თქვენგან მნიშვნელოვან ძალისხმევას მოითხოვს. მოთმინებით აღიჭურვეთ, რადგან მატერიალური პრობლემები გელით. თქვენი შრომისმოყვარეობა და გამძლეობა დღის ნეგატიურ ტენდენციებთან გამკლავებაში დაგეხმარებათ.

მერწყული

ამ დღის პოზიტიური ტენდენციები კომერციულ ოპერაციებში და გარიგებების დადებისას წარმატებას მოგიტანთ. შეხვედრები და საქმიანი კონტაქტები უახლოეს ხანებში სასურველ შედეგს მოგიტანთ. ხელსაყრელი დღეა მოგზაურობისა და ბუნებაში დასვენებისთვის.

თევზები

ამ დღეს თქვენი სასიცოცხლო ენერგეტიკა მცირდება. შესაძლოა, ჯანმრთელობასთან დაკავშირებულმა პრობლემებმა შეგაწუხოთ. გირჩევთ, გამოცდილ სპეციალისტს ეჩვენოთ და მკურნალობა დროულად დაიწყოთ, რადგან დაავადების შედეგები არაპროგნოზირებადი იქნება.

loading…


მსგავსი სიახლეები