მენიუ დახურვა

10 უძლიერესი ფილმი, რომლებიც საფიქრალს დაგიტოვებთ

ეს მათთვის, ვისაც სურს, რომ ფილმისთვის დახარჯულ დროზე არ ინანოს…

1. „სინდი ჰოლის გაუჩინარება“

The Vanishing of Sidney Hall, 2017

ქვეყანა: აშშ

ჟანრი: დრამა

რეჟისორი: შონ კრისტენსენი

მსახიობები: ელ ფენინგი, ლოგან ლერმანი, ფრედი უოლკერი

ახალგაზრდა მწერალი პირველი წიგნის გამოსვლისთანავე საყოველთაო აღიარებასა და ზღვა თაყვანისმცემელს იღებს. მაგრამ რაღაც უშლის ხელს, წარმატებით დატკბეს. ის ხალხს გაურბის და ერთხელაც სულ გაქრება არავინ იცის, სად უნდა ეძებონ სიდნი ჰოლი.

მოქმედება განუწყვეტლივ გადადის სხვადასხვა მოვლენებზე, მთავარი გმირი ხან 18 წლისაა, ხან 24-ის და ხან 30-ის. ამიტომ ყურადღებით უნდა უყუროთ, რამე დეტალი რომ არ გამოგეპაროთ. და რაც მთავარია, მთელი ამ ჩახლართული ისტორიის გასაღები უდაბნოში ნაპოვნ წითელ კოლოფშია.

2. „მალენა“

Malèna, 2000

ქვეყანა: იტალია

ჟანრი: დრამა

რეჟისორი: ჯუზეპე ტორნატორე

მსახიობები: მონიკა ბელუჩი, ჯუზეპე სულფარო, ლუჩიანო ფედერიკო

სულისშემძვრელი ისტორია იმაზე, როგორია იყო ლამაზი ქალი შურიანი და საძაგელი ადამიანების გარემოცვაში. იტალია მეორე მსოფლიო ომის პერიოდში, უმშვენიერესი მონიკა ბელუჩი და ენიო მორიკონეს მუსიკა.

3. „ჰაჩიკო: ყველაზე ერთგული მეგობარი“

Hachi: A Dog’s Tale, 2008

ქვეყანა: აშშ

ჟანრი: დრამა

რეჟისორი: ლესი ჰალსტრიომი

მსახიობები: რიჩარდ გირი, ჯოან ალენი, კერი ჰიროიუკი-ტაგავა

არ არსებობს ადამიანი, რომელსაც თვალზე ცრემლი არ მოადგება, როგორც კი ამ ძაღლის სახელს იგებს. ძაღლისა, რომელიც დაღუპულ პატრონს ელოდება და ყოველდღე ერთსა და იმავე რიტუალს იმეორებს. ეს ამერიკული ფილმი რიმეიქია 1987 წელს გადაღებული იაპონური ფილმისა „ჰაჩიკოს ისტორია“.

4. „მე, ერლი და მომაკვდავი გოგონა“

Me and Earl and the Dying Girl, 2015

ქვეყანა: აშშ

ჟანრი: კომედია

რეჟისორი: ალფონსო გომეს-რეხონი

მსახიობები: ტომას მანი, არჯეი საილერი, ოლივია კუკი

ძალიან ძლიერი ადამიანი უნდა იყო, რომ გაბედო და მომაკვდავს დაუმეგობრდე. გრეგი ცდილობს, კიბოთი დაავადებული რეიჩელი გაამხნევოს, აჩვენებს რა მას სამოყვარულო ფილმებს, რომლებსაც მეგობართან ერთად იღებს.

5. „საით მივყავართ ოცნებებს“

What Dreams May Come, 1998

ქვეყანა: აშშ

ჟანრი: დრამა

რეჟისორი: ვინსენტ უორდი

მსახიობები: რობინ უილიამსი, კუბა გუდინგ-უმცროსი, ანაბელა შიორა

ვიზუალურად უნაკლო ფილმი მოგვითხრობს მარადიული სიყვარულის ისტორიას, რომელმაც არ იცის საზღვრები და რომლისთვისაც არ არსებობს ბარიერები. რობინ უილიამსმა, რომელსაც მანამდე მხოლოდ კომედიებით იცნობდა მაყურებელი, ამ დრამაში სულ სხვა კუთხით გაიბრწყინა.

6. „მეცამეტე სართული“

The Thirteenth Floor, 1999

ქვეყანა: გერმანია

ჟანრი: ფანტასტიკა

რეჟისორი: იოზეფ რუსნაკი

მსახიობები: კრეიგ ბირკო, გრეტხენ მოლი, არმინ მიულერ-შტალი

ეს ფილმი „მატრიცაზე“ ცოტა ადრე გამოვიდა და რატომღაც შეუმჩნეველი დარჩა. მართალია, ის სპეცეფექტებით ვერ გაგაკვირვებთ, მაგრამ სამაგიეროდ გაცილებით ღრმად ჩადის რეალიზმისა და ვირტუალიზმის სიღრმეებში. და კიდევ, ბევრად მხატვრულად ავითარებს სიუჟეტურ ხაზს. მისი ყურების შემდეგ ძალიან ძნელია მაშინვე სხვა რამეზე გადაერთო. გინდა, რომ დაჯდე და დაფიქრდე.

Loading...

მსგავსი სიახლეები