მენიუ დახურვა

5-კილომეტრიანი სასტუმრო, რომელსაც სტუმრები არასოდეს მიუღია!

მსოფლიოში უდიდესი სასტუმრო გერმანულ კუნძულ რიუგენზეა განთავსებული, მაგრამ მას სტუმრები არასოდეს მიუღია და ამას საშინელი მიზეზი აქვს…

ამ უზარმაზარ შენობაში 10 000 ნომერია ზღვის ხედით და ის სანაპიროს 5 კილომეტრზეა გადაჭიმული. რაოდენ უცნაურადაც არ უნდა მოგეჩვენოთ, სასტუმრო აგერ უკვე 70 წელია ცარიელია. ამის მიზეზი კი ისაა, რომ ეს საზღვაო კურორტი, სახელად პრორა, ნაცისტების აშენებულია 1936-1939 წლებში ჰიტლერის ბრძანებით.

ამ პერიოდში ჰიტლერმა ომისთვის მზადება დაიწყო და მისი პრიორიტეტები შეიცვალა, ამიტომაც პროექტი ბოლომდე ვეღარ დასრულდა.

სასტუმრო „პრორა“გერმანიის ორ რეგიონს შორის ფართო სანაპიროზე მდებარეობს, რომელიც იასმუნდ-ბოდდენის ლაგუნას ბალტიის ზღვიდან გამოყოფს.

5-კილომეტრიანი სასტუმროს შენობა ზღვიდან 150 მეტრშია.

რამდენიმე წლის განმავლობაში რაიხის ყველა უდიდესი სამშენებლო კომპანია და, დაახლოებით, 9 ათასი ადამიანი აშენებდა ამ სასტუმროს.

მეორე მსოფლიო ომის დაწყებასთან ერთად მშენებლობა შეჩერდა და აქ დასაქმებულები იარაღის ქარხნებში გადაიყვანეს.

მოკავშირეთა მხრიდან მასიური დაბომბვის დროს, ბევრმა ჰამბურგელმა იპოვა თავშესაფარი ამ კორპუსებში.

ომის შემდეგ სასტუმრო „პრორას“ იყენებდნენ, როგორც სამხედრო ფორპოსტს აღმოსავლეთ გერმანიის არმიისთვის.

20.000 დამსვენებლისთვის განკუთვნილი ეს უზარმაზარი კომპლექსი ნაცისტური პროგრამის ნაწილი იყო.

ამ პროგრამის მიზანი იყო გერმანელი მუშების დასვენება და ნაციზმის პროპაგანდა.

ამ სასტუმრო თვალსაჩინო მაგალითია მესამე რაიხის არქიტექტურისთვის დამახასიათებელი მასშტაბურობისა და ავტორიტეტის, რომელიც, უფრო ახლო დათვალიერებისას მტკივნეულ შეგრძნებებს იწვევს.

Loading...

მსგავსი სიახლეები