მენიუ დახურვა

3 ოქტომბრის ასტროლოგიური პროგნოზი

რას გვირჩევენ ვარსკვლავები 3 ოქტომბრისთვის ჯანმრთელობის, ბიზნესისა და სიყვარულის მიმართულებით?

ვერძი

შესაძლოა, თქვენი ფინანსური მდგომარეობა საგრძნობლად გაუარესდეს. გამორიცხული არაა, რომ ძვირფასი ნივთი დაკარგოთ ან ძველი ვალი მოგთხოვონ. სიფრთხილე გამოიჩინეთ გარშემომყოფებთან ურთიერთობაში. არსებობს ხანძრის ან უცნობ ადამიანებთან კონფლიქტის საფრთხე. მეგობრების დახმარებით შექმნილ პრობლემებს მარტივად გაუმკლავდებით.

კურო

ფინანსური თვალსაზრისით წარმატებული დღეა. შესაძლოა, მოულოდნელი შემოსავალი მიიღოთ. პირად ცხოვრებაში მოსალოდნელია პრობლემები, ამიტომ გამორიცხული არაა, რომ ახლობელი ადამიანების დახმარება დაგჭირდეთ.

ტყუპები

გადაჭარბებული ემოციურობა და აგრესიულობა შეიძლება ფინანსური დანაკარგის ან პარტნიორებში ნდობის დაკარგვის მიზეზი გახდეს. შესაძლოა, ახლად გაცნობილმა ადამიანებმა უამრავი პრობლება შეგიქმნან. ფრთხილად იყავით გზაზე გადასვლის, მანქანის მართვის, მჭრელ საგნებთან და ელექტრომოწყობილობებთან ურთიერთობის დროს.

კირჩხიბი

სავარაუდოდ, მოულოდნელი პრობლემები გაიძულებთ, მეგობრებს დახმარება სთხოვოთ. ნუ შეშინდებით, ეს დროებითი სირთულეებია და მეგობრებს დახმარება თამამად სთხოვეთ.

ლომი

დაძაბული დღეა. მამაკაცებს ვურჩევთ, პარტნიორები ყურადღებით შეათვალიერონ და თუ საჭიროა, მათთან ურთიერთობას გადახედონ. შეცდომამ ან არასწორმა გათვლამ შეიძლება ფინანსური ან სამსახურებრივი პრობლემები შეგიქმნათ.

ქალწული

სავარაუდოდ, ამ დღეს საქმიან წინადადებას მიიღებთ, მაგრამ სწრაფად ნუ დასთანხმდებით, რადგან შედეგი ისეთი არ იქნება, როგორსაც ელით. ოჯახის რომელიღაც წევრი თქვენს ყურადღებას საჭიროებს, რასაც შეიძლება პრობლემები მოჰყვეს. ნუ მოგერიდებათ მეგობრებისთვის დახმარების თხოვნა. მხოლოდ ეს დაგეხმარებათ შექმნილი მდგომარეობიდან გამოსავლის მოძიებაში.

სასწორი

წარსულის შეფასების დღეა. ყურადღება მიაქციეთ გარშემომყოფ ადამიანებს, შესაძლოა, საკუთარ იდეებსა და მატერიალურ კეთილდღეობაზე ზრუნვის დროს რაღაც ისეთი დაკარგოთ, რაზეც დიდი ხანია ოცნებობდით. სიმშვიდე შეინარჩუნებთ და ვითარებას ნუ დაძაბავთ. ეცადეთ, კომპრომისი მონახოთ და ყველაფერი დალაგდება.

მორიელი

ამ დღეს თქვენი სასიცოცხლო ძალა იზრდება, მაგრამ ეს ვერ დაგეხმარებათ, გამოასწოროთ დაშვებული შეცდომები. თუ ფარული მტრის სიახლოვეს გრძნობთ, იმოქმედეთ. ახლა პასიურობის დრო არ არის!

მშვილდოსანი

გაითვალისწინეთ, რომ ახალმა ნაცნობმა შეიძლება უამრავი უსიამოვნება მოგიტანოთ. ფრთხილად იყავით გზაზე გადასვლის, მანქანის მართვის, მჭრელ საგნებთან და ელექტრომოწყობილობებთან ურთიერთობის დროს.

თხის რქა

არასერიოზულობამ და ცდუნებების აყოლამ შესაძლოა, პარტნიორთან პრობლემები შეგიქმნათ. მამაკაცებს ვურჩევთ, საყვარელი ადამიანის მიმართ მეტი სითბო და მზრუნველობა გამოიჩინონ. სავარაუდოდ, თქვენს ურთიერთობებში კრიზისი თქვენმა სიცივემ და თავშეკავებულობამ შექმნა.

მერწყული

უკიდურესად არახელსაყრელი დღეა. ეცადეთ, საქმეში მეტი ყურადღება და წინდახედულება გამოიჩინოთ. ერიდეთ უხეშობას, კატეგორიულობასა და უსარგებლო საუბრებს.

თევზები

რთული და წინააღმდეგობრივი დღეა. ოცნებები და ილუზიები რეალობის აღქმის საშუალებას არ გაძლევთ. სავარაუდოდ, ფინანსურ საკითხებში სირთულეები გელით. როგორც არასდროს, ისე გჭირდებათ სიფრთხილე და წინდახედულება. დაავადება, რომელიც ამ დღეს იჩენს თავს, მძიმე და ხანგრძლივი იქნება. განსაკუთრებული ყურადღება მიაქციეთ ძვლოვან სისტემას, კბილებსა და ღრძილებს.

Loading...

მსგავსი სიახლეები